یوکرین کا روس کو شکست دینا ممکن نہیں، ڈونلڈ ٹرمپ

مہر خبررساں ایجنسی کے مطابق، ٹرمپ نے کہا کہ انہیں شک ہے کہ یوکرین روس کو شکست دے سکے گا۔

انہوں نے مزید کہا "یوکرین ابھی بھی جیت سکتا ہے، لیکن مجھے نہیں لگتا کہ ایسا ہوگا۔ تاہم، کچھ بھی ممکن ہے۔ جنگ ایک بہت عجیب معرکہ ہے۔"

ایسوسی ایٹڈ پریس کے مطابق، ٹرمپ کا یہ تازہ بیان یوکرین کے حوالے سے ان کے سابقہ شکوک و شبہات کو مزید تقویت دیتا ہے۔

اطلاعات کے مطابق، وہ آئندہ چند ہفتوں میں ہنگری کے دارالحکومت بوداپسٹ میں روسی صدر ولادیمیر پوٹن سے ملاقات کریں گے تاکہ یوکرین میں جاری جنگ کے سیاسی حل پر گفتگو کی جا سکے۔

وائٹ ہاؤس میں آسٹریلوی وزیرِاعظم اینٹونی البانیز سے ملاقات سے قبل صحافیوں سے گفتگو میں ٹرمپ نے کہا کہ اگرچہ یوکرین کے جیتنے کا امکان بہت کم ہے، "لیکن امکانات کو مکمل طور پر رد نہیں کیا جا سکتا۔"

گزشتہ ماہ ٹرمپ نے اپنے دیرینہ مؤقف میں تبدیلی لاتے ہوئے کہا تھا کہ یوکرین کو روس کے بعض زیرِ قبضہ علاقے چھوڑ دینے چاہییں، حالانکہ وہ اس سے قبل یہ مؤقف رکھتے تھے کہ یوکرین اپنے تمام مقبوضہ علاقے واپس حاصل کر سکتا ہے۔